![](https://onlinedabali.com/wp-content/uploads/2020/05/covid-hospital.jpg)
कालिकोट । जिल्लाको सान्नी त्रिवेणी गाउँपालिकामा कोरोना अस्पताल एण्ड आइसोलेसन सेन्टर बन्न लागेको छ । कोरोना भाइरसको बढ्दै गएपछि गाउँपालिकाले अस्पताल निर्माण सुरु गरेको छ ।
चिनियाँ गतिमा रातिदिन काम भइरहेको छ । १५ शैयाको उक्त अस्पताल दश दिनेदेखि बढीमा दुई हप्तामा तयार गर्ने काम सुरु भएको हो । गाउँपालिका अध्यक्ष डम्बरबहादुर शाहीका अनुसार ५५ लाख लागतमा उक्त अस्पताल निर्माण हुन लागेको हो । निर्माणको जिम्मा स्थानीय लिएका छन् । उनीहरुले समिति बनाएर रातदिन काम गरिरहेका छन् ।
पछिल्लो पटक कालिकोटमा कोरोनाको जोखिम बढेकोले गाउँपालिकाकै लगानीमा अस्पताल निर्माण गर्न सुरु गरिएको अध्यक्ष शाहीले बताए । “कोरोनाको जोखिम बढेको छ, संक्रमितको उपचारको लागि अस्पताल निर्माण गर्न लागिएको हो” शाहीले भने । उनले दुई हप्तामा अस्पताल संचालन गर्ने गरी निर्माण कार्य जारी रहेको बताए ।
स्थानीय अगुवाहरुले अस्पताल निर्माण चिनियाँ मोडेलमा भइरहेको भन्दै खुशी हुँदै काममा जुटेका छन् । कोरोना भाइरसको महामारी सुरु भएपछि चीनले वुहानमा १० दिनमै एक हजार शैयाको अस्पताल निर्माण गरेर नयाँ रेकर्ड कायम गरेको थियो । चिनियाँहरुले रातदिन काम गरेर अस्पताल निर्माण गरेका थिए । त्यही गतिमा सान्नी त्रिवेणीमा कोरोना अस्पताल निर्माण भइरहेको छ ।
अस्पतालको लागि आवश्यक उपकरण पनि खदिर गर्ने काम भइरहेको छ ।