धनुषा । धनुषाको महेन्द्रनगरमा बम विस्फोट घटनामा संलग्न रहेको आशंकामा प्रहरीले ३ जनालाई पक्राउ गरेको छ ।
विस्फोटमा संलग्न रहेको आशंकामा प्रहरीले २ महिला र १ पुरुषलाई पक्राउ गरेको छ । पक्राउ पर्नेहरूमा हंसपुर नगरपालिकाकी ललिता देवी, सीता देवी र मिथिला बिहारी नपा १ का राम सुदित साह धानुक रहेका जिल्ला प्रहरी कार्यालय धनुषाले जानकारी दिएको छ ।
उनीहरूलाई करिब १२ बजेतिर उनीहरूकै बासस्थानबाट पक्राउ गरिएको प्रहरीले जनाएको छ । शुक्रबार मध्ये राति ३ जनाको मृत्यु हुने गरी विस्फोट भएको थियो ।
प्रहरीका अनुसार विस्फोटको घटना अनुसन्धानका लागि प्रहरी निरीक्षक उमाशंकर साहको नेतृत्वमा ७ सदस्यीय अनुसन्धान टोली गठन भएको छ ।
बम विस्फोट हुँदा प्रहरी निरीक्षक (इन्स्पेक्टर) अमिर कुमार दाहाल, घर धनी ४६ वर्षिय राजेश साह र उनका छोरा २४ वर्षिय आनन्दको मृत्यु भएको थियो ।
