काठमाडौं । बेलायतको लण्डनमा जारी मिस वर्ल्ड प्रतियोगितामा नेपाल सुन्दरीले अवार्ड जित्न सफल भएकी छिन् ।
नेपालको तर्फबाट प्रतिनिधित्व गरेकी अनुष्का श्रेष्ठले गतिलो सफलता हात पार्दै मल्टिमिडिया अवार्ड जितेकी छिन् ।
मिस नेपाल अुनष्का ‘हेड टु हेड च्यालेन्ज’को दोस्रो चरण पार गरी टप टेनमा पुगेकी हुन् । उनले हेड टु हेड च्यालेन्जबाट अन्तिम १० मा पुगेपछि शनिबार हुने फाइनल राउन्डका लागि उनको बाटो खुलेको हो ।
उनी ‘ब्यूटी विथ पर्पोज’ विधामा पनि टप १० मा पुगेकी थिइन् । हेड टु हेडबाट अन्तिम १० मा पुगेसँगै उनले शनिबार हुने मिस वल्डको फाइनल राउन्डमा शीर्ष ४० प्रतिस्पर्धीसँगै प्रतिस्पर्धा गर्ने छिन् ।
मिस वर्ल्डमा नेपालसहित विश्वभरबाट १२५ देशका सुन्दरीहरु सहभागी छन् । मिस वर्ल्डको फाइनल प्रतिस्पर्धा डिसेम्बर १४ तारिखमा हुँदैछ ।
