चितवन । रत्ननगर नगरपालिका-२ टाँडीस्थित राजमार्गमा बस पल्टिँदा १७ जना घाइते भएका छन् ।
बाराबाट काठमाडौंतर्फ गइरहेको ना ७ ख ४७५५ नं.को बस बिहीबार राति दुर्घटना भएको हो। ४२ जना यात्रु रहेको बस सहचालक २६ वर्षीय क्षितिज तामाङले चलाएको प्रहरीले बताएको छ ।
सहचालक तामाङ फरार रहेका छन् । दुर्घटनामा घाइतेमध्ये बाराको कलैया-२ का ३५ वर्षिय गौरीशंकर यादव, २१ का २४ वर्षिय रामबाबु यादव, गढीमाइ नगरपालिका-१ का ४४ वर्षीय मनोज शाह र भारत मोतिहारीका १८ वर्षिय खुसीलाल यादवको पुरानो मेडिकल कलेजमा उपचार भइरहेको छ ।
सामान्य घाइते भएका अन्यको भने टाँडीको बकुल्लर सरकारी अस्पतालमा उपचार भइरहेको जनाइएको जिल्ला प्रहरी कार्यालय चितवनले जनाएको छ ।
