संखुवासभा । चिचिला गाउँपालिका ३ केराबारीमा ट्याक्टर दुर्घटनामा घाइते भएका ४ जना मध्ये एकको मृत्यु भएको छ ।
२ त ४३५९ नंबरको ट्याक्टर अनियन्त्रित हुँदा घाइते भएका सहचालकको उपचारको क्रममा मृत्यु भएको जिल्ला प्रहरी कार्यालय संखुवासभाले जनाएको छ ।
दुर्घटनाबाट घाइते चैनपुर नगरपालिका-११ लुवाकोटका ३१ वर्षिय सुकल राईको मृत्यु भएको संखुवासभा प्रहरीले जनाएको छ । घाइते सुकल राईको बिपी कोइराला स्वास्थ्य विज्ञान प्रतिष्ठान धरानमा उपचारको क्रममा शुक्रबार मृत्यु भएको प्रहरीले जनाएको छ ।
जस्तापाता बाकेर सदरमुकाम खाँदबारीबाट पुखुवा जाँदै गरेको ट्याक्टर दुर्घटना हुँदा चालक खाँदबारी नगरपालिका-८ डाँडाका दिनेश तामाङ, सिलिचोङ गाउँपालिका-५ की प्रतिमाया राई र चैनपुर नगरपालिका-११ का सुक्ला राईसहित ४ जना घाइते भएका छन् ।
