सुखड । कैलालीको सुखडमा मोटरसाइकल दुर्घटना हुँदा २ जना घाइते भएका छन् ।
घोडाघोडी नगरपालिका १ डोडा नदिको पुलमा आइतबार दिउँसो मोटरसाइकल र जिप एक आपसमा ठोक्किएर दुर्घटना भएको हो ।
घाइते हुनेमा मोहन्याल गाउपालिका २ का २३ वर्षिय मोटरसाइकल चालक प्रविन रोकामगर र सोही ठाउका मोटरसाइकलमा सवार लिलाराम बुढामगर रहेको ईलाका प्रहरी कार्यालय सुखडले जानकारी दिएको छ ।
प्रहरीका अनुसार पश्चिमबाट पुर्व तर्फ आउँदै गरेको से ६ प ६२११ नं.को मोटरसाइकल र पुर्वबाट पश्चिम तर्फ जाँदै गरेको बा १ ञ १८९१ नं.को विद्युत कार्यालय अत्तरियाको जिप आपसमा ठोक्किएर दुर्घटना भएको हो ।
घाइते दुवै जनाको घोडाघोडी अस्पताल सुखडमा उपचार भइरहेको र ठक्कर दिने जिप र चालक ईलाका प्रहरी कार्यालय सुखडको नियन्त्रणमा रहेको छ ।
