काठमाडौं । वरिष्ठ पत्रकार राजेन्द्रदेव आचार्यको निधन भएको छ । उपचारको क्रममा शनिबार राति आचार्यको निधन भएको छ ।
लामो समयदेखि कलेजो रोगबाट पीडित आचार्यको ६१ वर्षको उमेरमा नर्भिक अस्पतालमा उपचारको क्रममा निधन भएको हो ।
न्यूज २४ टेलिभिजनका समाचार प्रमुख समेत रहेका आचार्यले २०४४ सालबाट पत्रकारिता सुरु गरेका थिए ।
नेपाल टेलिभिजनको महाप्रबन्ध समेत भइसकेका आचार्य लामो समय रत्नराज्य कलेजमा पत्रकारिताको अध्यापनसमेत गराएका थिए ।
केही अगाडि मात्र आचार्यका छोराको अमेरिकामा निधन भएको थियो । उनका अब एक छोरी, श्रीमती र आमा छन् ।
