कावासोती । पूर्वपश्चिम राजमार्गअन्तर्गत नवलपरासीको गैँडाकोटमा बसले मोटरसाइकललाई ठक्कर दिँदा एकको मृत्यु भएको छ भने दुर्घटनामा परी एक घाइते भएका छन् ।
गैँडाकोट-१० सिस्नेमा गए राति पश्चिमतर्फ छुटेको लु १ ख ८३२६ नं.को बसले ना ३३ प ८७६३ नं.को मोटरसाइकललाई ठक्कर दिँदा मोटरसाइकलमा सवार बुलिङटार-३ का ५२ वर्षिय वीरेन्द्रनन्द सन्न्यासीको मृत्यु भएको हो ।
उनको उपचारको क्रममा चितवन मेडिकल कलेजमा मृत्यु भएको प्रहरीले जनाएको छ । दुर्घटनामा परी मोटरसाइकल चालक बुलिङटार–३ का ३७ वर्षिय विष्णु निर्मल गिरी घाइते भएका छन् । उनको अवस्था गम्भीर रहेको बताइएको छ । घाइते गिरीको चितवन मेडिकल कलेजमा उपचार भइरहेको छ ।
