सप्तरी । सांसद एवं भुमि व्यवस्था, कृषि तथा सहकारी मन्त्री शैलेन्द्र प्रसाद साहले ७१ जना छात्रालाई साइकल वितरण गरेका छन् ।
उनले निर्वाचन क्षेत्र विकास कोषबाट साइकल वितरण गरेका हुन् । शिक्षाप्रति छोरीको आकर्षण बढाउने र छात्राहरुलाई सुविधा तथा समयको सदुपयोग हुने उदेश्यले आज (मंगलबार) सप्तरीको तिलाठी कोइलाडी गाउँपालिकाका ७१ जना छात्रालाई साइकल प्रदान गरिएको हो ।
पब्लिक माध्यमिक विद्यालय लौनियाँ तिलाठीमा कक्षा ९ मा अध्ययरत छात्राहरुलाई निरन्तर विद्यालय आउनको लागि साइकल प्रदान गरिएको साहले बताए ।
प्रदेश २ सरकारले छोरीहरुलाई शिक्षामा पहुँच पुर्याउने ‘बेटी पढाउँ, बेटी बचाउ’ अभियान नै सञ्चालनमा ल्याएको अवधारणालाई आत्मसाथ गर्दै प्रदेशका मन्त्री, सांसद स्थानीय सरकार पनि यस अभियानमा लागेको छ ।
