अनलाइन डबली
काठमाडौँ । कर्णाली प्रदेश सरकारको नेतृत्व पुनः नेकपाले गर्ने भएको छ । नेकपा र नेकपा एमालेबीच भएको सहमतिअनुसार कर्णालीको मुख्यमन्त्रीमा नेकपाका युवा नेता मंगल शाहीले जिम्मेवारी समाल्ने भएका छन् ।
मुख्यमन्त्री यामलाल कडेँलले राजिनामा दिएसँगै नयाँ मुख्यमन्त्रीको लागि दाबीका लागि आज बेलुका ५ बजेसम्मको समयसीमा तोकिएको छ ।
प्रदेश प्रमुख यज्ञराज जोशीले शनिबार प्रदेश सभामा प्रतिनिधित्व गर्ने दुई वा दुईभन्दा बढी दलको समर्थनमा बहुमत प्राप्त गर्न सक्ने प्रदेश सभाका सदस्यलाई आज साँझ ५ः०० बजेभित्र मुख्यमन्त्री पदका लागि दाबी पेस गर्न आह्वान गरेका थिए ।
नेकपा र एमालेबीच मुख्यमन्त्री विषयमा संयुक्त बैठक बसेर नेकपा संसदीय दलका नेता मङ्गलबहादुर शाहीलाई समर्थन गर्ने नेताहरुले बताएका छन् ।
