अनलाइन डबली
काठमाडौँ । प्रतिनिधिसभा निर्वाचनको निर्धारित समय सकिएको छ । निर्वाचन आयोगले विहान ७ बजेदेखि साँझ ५ बजेसम्म मतदानको समय तोकिएको थियो ।
आयोगका अनुसार ५ बजेअघि नै लाइनमा बसेकाहरुले मतदान गर्न पाउने भएका छन् । अहिले अधिकांश मतदान केन्द्रमा लाइनमा बसेकाहरुले मतदान गरिरहेका छन् ।
छिटपुट सामान्य घटनाबाहेक प्रतिनिधिसभा सदस्य निर्वाचनको मतदान आज देशभर शान्तिपूर्ण र उत्साहपूर्वक सम्पन्न भएको आयोगले जनाएको छ । आयोगले केही समयपछि पत्रकार सम्मेलनको तयारी गरेको छ ।
आयोगका अनुसार मतगणना आजै रातिबाट सुरु गर्ने तयारी भइरहेको छ ।
