अनलाइन डबली
काठमाडौँ । नेपाली काँग्रेसभित्रको विवाद विभाजनसम्म पुग्न लागेको छ । महामन्त्रि गगन थापा र विश्वप्रकाश शर्माले विशेष महाधिवेशन गरेरै छोड्ने अवस्थामा पुगेपछि काँग्रेस पुनः एकपटक विभाजनको मुखमा पुगेको हो ।
पक्षपन पक्षका कुरा नसुनेर थापा र शर्मा महाधिवेशनबाटै नीति र नेतृत्व छान्ने पक्षमा छन् । संस्थापन पक्षले पार्टी विभाजन हुन नदिन गरेका अहिलेसम्मका प्रयास असफल भएका छन् । आजै संस्थापन पक्षले विशेष महाधिवेशनका नाममा पार्टी विभाजन हुन लागेको बताएको छ ।
बानेश्वरको आनन्दभूमि बिजनेस सेन्टरमा भएको भेलाले विशेष महाधिवेशन पक्षधरलाई पार्टी विभाजन हुनबाट रोक्न आह्वान गर्ने निर्णय गरेको छ । कांग्रेस कमजोर हुँदा लोकतन्त्र जाने भन्दै भूराजनीति तथा राष्ट्रिय राजनीतिका कारण कांग्रेस विभाजन हुन नदिन देशभरका साथीहरूलाई आह्वान गर्ने निर्णय समेत गरेको छ ।
संस्थापन पक्षका एक नेताले महामन्त्री थापा अरुको उक्साहटमा लागेको बताउँदै आएको छ । ‘उहाँ (गगन थापा) काँग्रेस कमजोर पार्न चाहेको शक्तिले खेलेमा लाग्नुभएको छ, यसले उहाँलाई क्षणिक फाइदा र इगि व्यवस्थान होला तर लोकतन्त्रलाई घाटा पुर्याउनेछ’ ती नेताले भने ।
थापालाई काँग्रेस फुटाएरै भएपनि सभापति भएमा प्रधानमन्त्री बनाइदिने अफर आएको आरोप समेत ती नेताले लगाए । उनका अनुसार थापा–शर्मा समूहले महाधिवेशनबाट नयाँ नेतृत्व चयन गर्दै अगाडि बढ्न लागेको र रवि–बालेनसँग चुनावी तालमेल गर्न लागेका छन् ।
यसअघि २०५९ मा काँग्रेस विभाजन भएको थियो । त्यतिबेला गिरिजाप्रसाद कोइराला सभापति दिए, देउवाको नेतृत्वमा नेपाली काँग्रेस (प्रजातान्त्रिक) गठन भएको थियो ।
