अनलाइन डबली
काठमाडौं । जेनजी अभियान्ता मिराज ढुंगानाको समूहले प्रशासनसँग अनुमति नलिएरै प्रदर्शन गरेपछि तनाव उत्पन्न भएको छ । काठमाडौँ जिल्ला प्रशासनले सो समूहलाई आज प्रदर्शनको अनुमति दिएको थिएन ।
स्थानीय प्रशासनको अनुमति अवज्ञा गर्दै ढुंगानाको समूहले प्रदर्शन गरेपछि प्रहरीले नियन्त्रणमा लिन थालेको छ ।
प्रदर्शनस्थल माइतीघर मण्डला पुगेका निकोलस भुसाल लगायतलाई प्रहरीले नियन्त्रणमा लिएको छ ।
यसअघि काठमाडौंका प्रमुख जिल्ला अधिकारी ईश्वरराज पौडेलले नेपाल न्यूज बैंकलाई जानकारी दिँदै जेनजी समूहले आन्दोलन गर्न पाउनुपर्ने भन्दै अनुमतिका निम्ति पत्र बुझाए पनि अनुमति नदिएको जानकारी दिएका थिए । उनले आन्दोलनको उचित तरिकाले व्यवस्थापन गर्ने बताए ।
