अनलाइन डबली
काठमाडौँ । इरानका रक्षामन्त्री अजिज नासिरजादेह चीनमा उच्च राजनीतिक भेटघाटमा व्यस्त रहेका छन् । बुधबार चीन पुगेका नासिरजादेह चिनियाँ र अन्य देशका अधिकारीसँग भेटघाटमा व्यवस्त रहेका छन् ।
सांघाई सहयोग संगठन (एससीओ) का सदस्य देशहरूका रक्षामन्त्रीहरूको बैठकमा भाग लिन नासिरजादेह चीन गएको इरानी संचारमाध्यमहरुले बताएका छन् । चीन र रुसको नेतृत्व गर्ने एससीओमा भारत, इरान, काजाकिस्तान, किर्गिस्तान, पाकिस्तान, ताजिकिस्तान, उज्बेकिस्तान र बेलारुस सदस्य रहेका छन् ।
भेटघाटको क्रममा इरानी रक्षामन्त्रीले एससीओ सदस्य देशका रक्षामन्त्रीलाई इजरायल र अमेरिकाले इरानमाथि गरेको हमलाबारे जानकारी दिइरहेको बताइएको छ ।
