अनलाइन डबली
काठमाडौँ । अमेरिकाले बी–२ बमबर्षक बिमान प्रयोग गरेर इरानका तीनवटा आणविक केन्द्रमा हमला गरेर ध्वस्त पारेको जनाएको छ ।
हमलापछि राष्ट्रपति डोनाल्ड ट्रम्प राष्ट्रकाे नाममा सम्बाेधन गर्दै हमला सफल भएका, इरानलाई शान्तिको बाटोमा आउन बाध्य बनाएको दाबी गरेका थिए ।
ट्रम्पले यस्तो हमला आफ्नो सेनाले मात्रै गर्न सक्ने भन्दै हमलामा सहभागी सैनिकलाई बधाई समेत दिए ।
यसैबीच संयुक्त राष्ट्रसंघको आणविक निगरानी संस्था अन्तर्राष्ट्रिय आणविक ऊर्जा एजेन्सी (आईएईए)ले इरानी आणविक स्थलहरू सुरक्षित रहेको बताएको छ । तीनवटै आणविक स्थलबाट कुनै विकिरण फैलिएको नपाइएको जनाएको छ ।
विकिरण नफैलिनु भनेकाे अमेरिकाले ध्वस्त पारेकाे दाबी गरेका आणविक स्थल सुरक्षित रहनु हाे ।
‘इरानमा अमेरिकी आक्रमणपछिको अवस्थासम्बन्धी प्राप्त तथ्यांकअनुसार ती ठाउँको वरपरको विकिरण स्तरमा कुनै वृद्धि देखिएको छैन’ आईएईएको विज्ञप्तिमा भनिएको छ ।
अन्तर्राष्ट्रिय संचारमाध्यमहरुका अनुसार आईएईएले इरानको अवस्थाबारे थप जानकारी प्राप्त भएपछि मात्रै थप मूल्यांकन सार्वजनिक गर्ने पनि जनाएको छ ।