अनलाइन डबली
काठमाडौं । इरानका सर्वोच्च नेता आयतुल्ला अलि खामेनेईले अमेरिकी राष्ट्रपति डोनाल्ड ट्रम्पलाई जवाफ फर्काएका छन् । ट्रम्पले आत्मसमर्पण गर्न दिएको चेतावनीलाई खामेनेईले ठाडै अस्वीकार गर्दै खामेनेईले युद्ध सुरु भएसकेको र इजरायलसँग सम्झौता हुन नसक्ने बताए । उनले हमलाको कडा प्रतिवाद गर्ने चेतावनी समेत दिएका छन् ।
‘युद्ध सुरु भइसकेको छ । इजरायलसँग सम्झौता हुनसक्दैन’ सामाजिक सञ्जाल एक्समा खामेनेईले लेखेका छन् । एक्समा खामेनेईले एक अर्को पोष्ट गर्दै इजरायललाई आतंकवादीको संज्ञा दिँदै इजरायली शासनलाई दया नदेखाउने बताएका छन् ।
इरानको यो जवाफले युद्ध झन फराकिलो बन्ने निश्चित भएको छ ।
यसअघि इजरायलको शक्तिशाली गुप्तचर निकाय मोसादको हेडक्वाटर इरानले ध्वस्त गरिदिएको छ । राजधानी तेल अभिभको केन्द्र भागमा रहेको मोसादको केन्द्रीय कार्यालय ध्वस्त भएको फोटो र भिडियो अन्तर्राष्ट्रिय संचारमाध्यमले सार्वजनिक गरेका छन् ।
मोसादले यहीबाट इरानीविरुद्धको हमलाको योजना बनाइरहेको थियो । त्यसअघि रक्षा मन्त्रालयमा पनि इरानले मिसाइल हमला गरेको थियो । जहाँ प्रधानमन्त्री बेन्जामिन नेतान्याहू वार रुममा बसेर युद्धको नेतृत्व गरिरहेका थिए । यसपछि नेतान्याहूबाटै अहिले बंकरबाटै युद्धको अवलोकन गरिरहेका छन् ।
इजरायलले आफ्ना देशको क्षति नदेखाउन संचारमाध्यमलाई उर्दी जारी गरेका छन् । इजरायलको क्षति विवरण स्वतन्त्ररुपमा पुष्ट हुन सकेको छैन । हमलाको भिडियो र फोटा सामाजिक संजाल प्रयोगकर्ताहरुले गोप्यरुपमा साझा गरिरहेका छन् ।
इजरायलको क्षतिको विवरण इरानी संचारमाध्यमहरुले विश्वसामु पुर्याइरहेका छन् । सेटलाइट फोटो र भिडियो सार्वजनिक गर्न थालेपछि इजरायलले इरानी संचारमाध्यमलाई निसाना बनाइरहेको छ ।
इरानी राज्य प्रसारक टेलिभिजनमा भएको इजरायली आक्रमणमा दुई सञ्चारकर्मीको मृत्यु भएको छ ।
आइआरएनए समाचार एजेन्सीका अनुसार इजरायली हमलामा मारिनेहरूमा निमा रजाबपुर र मासुमेह अजीमी रहेका छन् । राजाबपुर समाचार सम्पादक र अजिमी आईआरआईबी प्रसारकको सचिवालयमा कर्मचारी रहेको इरानले पुष्टि गरेको छ ।
युद्धमा जुन पक्षले जानाजान संचारकर्मी र संचारमाध्यममाथि हमला गर्छ, उसको बढी क्षति भएको हुन्छ । आफ्नो क्षति विवरण बाहिर नआओस् भन्ने उद्देश्यले इजरायलले आफ्नो देशमा संचारमाध्यममाथि अघोषितरुपमा प्रतिबन्ध लगाएको छ भने इरानी संचारमाध्यममाथि हमला गरेको छ ।
इरानी संचारगृहमा इजरायलको हमलाले उसको देशमा अहिलेसम्म बाहिर आएको भन्दै बढी क्षति पुगेको विश्लेषकहरुले बताएका छन् ।