अनलाइन डबली
काठमाडौं । नेकपा माओवादी केन्द्रको साहयक संगठन योङ्ग कम्युनिस्ट लिग (वाईसीएल) को नेतृत्व निर्वाचन प्रक्रियाद्वारा छान्न प्रतिनिधिहरुले माग गरेका छन् । जारी बन्द सत्रमा सहमतिको प्रयास भने जारी रहेको छ ।
पार्टी अध्यक्ष प्रचण्डसँग वाईसीएलका नेताहरुले दुई चरण भेटवार्ता गरेका छन् । तरपनि कुनै व्यक्तिमा सर्वसम्मत हुन नसक्दा नयाँ नेतृत्व चयनको प्रक्रिया अगाडि बढ्न सकेको छैन ।
वाईसीएल इन्चार्ज रामप्रसाद सापकोटा दीपशिखाले सर्वसम्मतबाट नयाँ नेतृत्व चयन गर्न प्रयास जारी राखेका छन् ।
अध्यक्षमा अहिलेसम्म केहरसिंह कुँवर, पुष्प ओली, गणेश शाही र नवराज ऐरले दाबी गरेका छन् भने चुनावी प्रक्रिया अगाडि बढे कतिजना मैदानमा उत्रिने हुन अहिले नै भन्न नसकिने एक पदाधिकारीले बताए ।
