अनलाइन डबली
काठमाडौं । नेपाल बार एशोसिएसनको मत गणना जारी छ । नयाँ नेतृत्वका लागि भएको निर्वाचनको सोमबारबाट मतगणना सुरु भएको थियो । हिजो साँझ स्थगित मतगणना विहानबाट पुनः सुरु गरिएको हो ।
सत्तारुढ दल नेपाली काँग्रेस र नेकपा एमाले गठबन्धनले अग्रता कायमै राखेको छ । सुरुमा नेकपा माओवादी केन्द्र निकट कानुन व्यवसायी रमन कुमार श्रेष्ठले तीन मतले अग्रता लिएका थिए । त्यसलगत्तै गठबन्धनका उम्मेदवार डा. विजय मिश्र नेतृत्वको प्यानलले अग्रता लिएको थियो ।
यो समाचार तयार पार्दासम्म मिश्रले मतान्तर बढाउँदै लगेका छन् । त्यस्तै, महासचिवका उम्मेदवार केदार प्रसाद कोइराला पनि रास्वपा निकट वकिल यज्ञमणि न्यौपानेले पछाडि परेका छन् ।
पछिल्लो परिणामअनुसार मिश्रले ९३० मत पाउँदा श्रेष्ठले ६१० मत पाएको मत गणनास्थलमा रहेका एक वकिलले जानकारी दिए ।
त्यसैगरी अध्यक्षका अन्य प्रत्यासी राजु कैनीले ६, आशिष पौडेलले ६ र उज्ज्वल घिमिरेले २ मत पाएका छन् ।
महासचिव पदमा मिश्र प्यानलका केदार प्रसाद कोइरालाले ८७१ मत पाएका छन् । यसैगरी श्रेष्ठ प्यानलका उम्मेदवार ४५६ मत पाएका छन् ।
