अनलाइन डबली
काठमाडौँ । पूर्वीरुकुममा नेकपा माओवादी केन्द्रले सुरुवातमै फराकियाे अग्रता लिएको छ ।
विहान १० बजेबाट मतगणना सुरु भएको थियो । वडा नं. १ र १४ को मत गणना सकिएको छ । जसमा माओवादीबाट उपाध्यक्ष उम्मेदवार नरपुरा बुढाले निकै फराकिलो मतले अग्रता लिएकी छन् ।
वडा नं. १ मा जम्मा खसेको मत ५५२ मा माओवादीले ३०८ र काँग्रेस–एमाले गठबन्धनका उम्मेदवार केशकुमार तुलाचनले २३६ मत पाएकी छन् ।
त्यसैगरी वडा नं. १४ मा पनि माओवादी उम्मेदवारले अग्रता लिएका छन् । जम्मा खसेको ५६९ जसमा माओवादीले ३०० र गठबन्धनले २४० पाएको छ । २९ मत बदर भएको बताइएको छ ।
