अनलाइन डबली
काठमाडौँ । मोरङको ग्रामथान गाउँपालिकामा नेकपा माओवादी केन्द्रले मतान्तर फराकिलो बनाइरहेको छ ।
जारी मत परिणामअनुसार माओवादी केन्द्रका उम्मेदवार नमो नारायण माझीले अग्रता कायम राख्दै मतान्तर फराकिलो बनाएका छन् ।
पछिल्लो परिणामअनुसार माझीले ५ हजार ८०२ मत ल्याएका छन् । पछ्याइरहेका नेपाली काँग्रेसका बलराम सरदार थारुले ४३४७ मत पाएका छन् ।
तेस्रो स्थानमा रहेका नेकपा एमालेका उम्मेदवार तुलसीराम विश्वासले २८४० मत पाएका छन् ।
त्यसैगरी राप्रपाका दिनेशकुमार थन्दारले ५५६ मत प्राप्त गरेका छन् भने राष्ट्रिय स्वतन्त्र पार्टीका नवीनकुमार विश्वास खवासले ३ सय २१ मत ल्याएका छन् ।
