अनलाइन डबली
काठमाडौँ । इजरायली प्रधानमन्त्री बेन्जामिन नेतान्याहूको घरमा ड्रोन हमला भएको छ । इजरायविरुद्ध लडिरहेको हिजबुल्लाहले प्रहार गरेको ड्रोनले नेतान्याहूको घरमा ध्वस्त बनाइदिएको अन्तर्राष्ट्रिय संचारमाध्यमहरुले बताएका छन् ।
राजधानी तेल अबिबमा रहेको घर ड्रोन हमलामा परेपनि प्रधानमन्त्री नेतान्याहू भने सकुशस रहेको बताइएको छ । त्यतिबेला उनी घरमा नभएको बताइएको छ ।
इरानी मिसाइलले तेल अबिब क्षति पु¥याएपछि प्रधानमन्त्री नेतान्याहू बंकरमा लुकेर बस्ने गरेका कारण बचेका हुन् । उनी बंकरबाटै युद्ध लडिरहेका छन् ।
नेतान्याहूका कार्यालयले हिजबुल्लाले ड्रोन हमला गरेको पुष्टि गर्दै प्रधानमन्त्रीको घरलाई निसाना बनाएको बताएको छ ।
इजरायलका चर्चित डोम एयर डिफेन्स सिस्टमले हिजबुल्लाको ड्रोनलाई रोक्न सकेन । त्यस्तै केही दिन अघिमात्रै अमेरिकाले दिएको थार्ड एयर डिफेन्स सिस्टम पनि तेल अबिबमा तैनाथ गरिएको बताइएको छ ।
हिजबुल्लाहलाई सिध्याउने भन्दै इजरायले जमिन र हवाई एकसाथ हमला गरिरहेको छ । हिजबुल्लाहको आश्रयस्थल भन्दै इजरायली सेनाले लेबनानका धेरै गाउँमा बम खसालेर ध्वस्त बनाएसकेको छ ।
त्यसको प्रतिवाद गर्न हिजबुल्लाहले पनि हमला गरिरहेको छ । यसअघि गरेको हमलामा परी इजरायली सैनिकको मृत्यु भएको थियो । त्यस्तै, जमिन कारवाही सहभागी इजरायली सेनाको पनि ठूलो क्षति भएको छ ।
इजरायलसँगको लडाइँमा हिजबुल्लाहले प्रधानमन्त्रीलाई लक्षित गरेर हमला गरेको यो पहिलो घटना हो ।
भारतीय पत्रकार गाैरव सावन्तका अनुसार अहिले प्रधानमन्त्रीकाे घर वरपर कसैलाइ जान नदिइएकाे छैन । लगातार साइरन बजिरहेकाे छ ।
