अनलाइन डबली
काठमाडौं । राष्ट्रपति रामचन्द्र पौडेलले संघीय संसद्को दुवै सदनको बैठक आह्वान गरेका छन् । मंगलबार बसेको मन्त्रिपरिषद् बैठकले संसद बैठक आह्वान गर्ने निर्णय गरेको थियो ।
राष्ट्रपतिले सरकारको सिफारिसमा आगामी वैशाख १२ गते दिउँसो १ बजेका लागि संसद्का दुवै सदनको बैठक आह्वान गरेका हुन् ।
गत १८ माघमा सुरु भएको हिउँदे अधिवेशन राष्ट्रपति पौडेलले गत चैत १९ गते अन्त्य गरेका थिए । राष्ट्रपतिले आह्वान गरेको यो बजेट अधिवेशन हो ।
विभिन्न माग राख्दै सडक आन्दोलन गरिरहेका शिक्षकहरुका माग सम्बोधन गर्न सरकारले बर्षे अधिवेशन छिटो बोलाएको हो ।
