अनलाइन डबली
काठमाडाैँ । पछिल्लाे पटक उच्चस्तरकाे लडाइँ छेडेकाे रूसी सेनाले फेरि युक्रेनकाे एक गाउँ कब्जामा लिएकाे छ । रुसकाे रक्षा मन्त्रालयका अनुसार युक्रेनको सुमी ओब्लास्टमा रहेको झुराव्का शहर रुसी सेनाले नियन्त्रणमा लिएको हाे ।
साे क्रममा रूस र युक्रेन बीच भिषण लडाइँ समेत भएकाे थियाे । युक्रेनले रूसी हमला असफल पारेकाे दाबी गरिरहेकाे साे शहरमा रूसकाे झण्डा फहराइरहेकाे अन्तर्राष्ट्रिय संचारमाध्यमहरूले जनाएका छन् ।
मन्त्रालयले रूसी सेनाले युक्रेनका धेरै सैन्य विमानस्थलहरू, क्षेप्यास्त्र र तोपखाना डिपोहरूलाई लक्षित हमला गरेकाे जनाएकाे छ । सो क्रममा २०० युक्रेनी ड्रोनहरू खसालेको रूसले दाबी गरेकाे छ ।
साे शहर कब्जामा लिन २४ घण्टामा अग्रपंक्ति क्षेत्रहरूमा १४९ झडप भएको बताइएकाे छ ।
उता कुर्स्कमा पनि रूसी सेनाले हमला थप तेज पारेकाे जनाइएकाे छ ।
