काठमाडौं । राष्ट्रपति रामचन्द्र पौडेलसमक्ष नेपालका लागि बिभिन्न देशका तर्फबाट नवनियुक्त राजदूतहरुले आ–आफ्नो ओहदाको प्रमाणपत्र पेश गरेका छन् । सोमबार राष्ट्रपति भवन शीतल निवासमा आयोजित छुट्टाछुट्टै समारोहमा नवनियुक्त राजदूतहरुले आ–आफ्नो ओहदाको प्रमाणपत्र पेश गरेका हुन् ।

ओहदाको प्रमाण पेश गर्नेहरुका नेपालका लागि कतारका आवासीय राजदूत मिसाल मोहम्मद अली अलन्सारी, गणतन्त्र पेरुका गैर आवासीय राजदूत जाभियर मान्युएल पौलिनिच भेलार्दे र कम्बोडियाका गैर आवासीय राजदूत क्यो कोन रहेका छन् । सो अवसरमा नेपाल सरकारका उच्च पदस्थ अधिकारीहरुको उपस्थिति रहेको थियो । ओहदाको प्रमाणपत्र बुझाउने राजदूतहरुलाई होटल र्याडिसनदेखि शीतल निवाससम्म रिसल्लासहितको बग्गीमा सवार गराइएको थियो ।