अनलाइन डबली
भोजपुर । रामप्रसादराई गाउँपालिकालेनागरिकको घर आगनमा पुगेर सेवा दिइरहेको छ । चालु आर्थिक बर्षको दोस्रो त्रैमासिकको सुरक्षा भत्ता शिविर संचालन गरेर ९३९ सेवाग्राहीलाई बितर गरेको छ ।
त्यसैगरी कार्यक्रममा जेष्ठ नागरिक, आपांग भएका व्यक्ति, एकल महिलाहरुको स्वास्थ्य परीक्षण समेत गरिएको गाउँपालिकाले जनाएको छ ।
सामाजिक सुरक्षा भत्ता वितरणको लागि माघ १४ गते वडा नं. ८ मा संचालन गरिएको शिविरमा ११७ जना, माघ १५ गते वडा नं. ७ वासिखोरा १६० जना, माघ १६ वडा नं. ५ मानेभन्ज्याङमा १०० जना, माघ १७ गते वडा नंं ४ दलगाउँमा १२९ जना, माघ १८ गते वडा नं. ३ भुल्केमा १६६ जना, माघ १९ गते वडा नं. १ आख्रेमा १५८ र माघ २१ गते वडा नं. २ को घोदूलेखानीमा संचालन गरिएको शिविरमा १०९ जनाले सेवा लिएका थिए ।
सामाजिक सुरक्षा वितरणलाई प्रभावकारी बनाउन गाउँपालिका अध्यक्ष थामबहादुर राई सबै कार्यक्रममा पुगेका थिए । एनआईसी एसिया बैंकले सामाजिक सुरक्षा भत्ता वितरणमा सहजीकरण गरेको गाउँपालिकाले जनाएको छ ।
सेवाग्राहीलाई सहजिलोको लागि शिविर संचालन गरिएको गाउँपालिका अध्यक्ष राईले जनाएका छन् । उनले जनतालाई सरकार घर आगनमा पुगेको अनुभूती दिलाउन आफूहरु लागिपरेको बताए ।
