अनलाइन डबली
काठमाडौँ । अनेरास्ववियु (क्रान्तिकारी) गण्डकी प्रदेश समितिको दोस्रो सम्मेलनले नयाँ नेतृत्व चयन गर्दै सम्पन्न भएको छ । सम्मेलनले त्रिदिप गुरूङको अध्यक्षतामा नयाँ कार्यसमिति निर्वाचित गरेको छ । नयाँ नेतृत्वको लागि भएको निर्वाचनमा गुरुङलृ १३७ मत ल्याएर विजयी भएका छन् । उनको प्रतिस्पर्धी आरके भट्टले ७१ मत पाएका छन् ।
त्यसैगरी उपाध्यक्षमा बसन्त भट्टचनले १५७, सरोज वल्लभ भट्टराई १६४, अशोक मरहट्टा १४० मतसहित विजयी भएका छन् । समावेशी उपाध्यक्षमा कुल बहादुर बुढा र महिला उपाध्यक्षमा सिता बराल विजयी भएका छन् ।
संगठनको प्रमुख सचिवमा सुजन बास्तोलाले १३२ मत पाएर विजयी भएका छन् । उनका प्रतिस्पर्धी सन्जय जैसीले ७२ मत पाएका थिए ।
त्यस्तै, सचिवमा प्रदिप ढकालले १८३ मत, विसद उपाध्यायले १४० मत र सन्दिप महतोले १४० मतसहित विजयी भएका छन् । महिला सचिवमा जुना तामाङ निर्विरोध निर्वाचित भएकी छन् । त्यस्तै, समावेशी तर्फ दुर्गा बि.क. पनि निर्विरोध निर्वाचित भएकी छन् ।
संगठनको केन्द्रीय उपाध्यक्ष तथा केन्द्रीय कार्यालय प्रमुख केशव रावलका अनुसार कोषाध्यक्षमा अनिल सुनार निर्विरोध निर्वाचित भएका छन् । १३ पदाधिकारीबाहेक कार्यसमिति सदस्यहरु सबै निर्विरोध निर्वाचित भएको रावलले जानकारी दिए । पदाधिकारीसहित ७५ सदस्यीय प्रदेश समिति निर्वाचित भएको छ ।
सम्मेलनको लागि २६९ प्रतिनिधि चयन भएका थिए । जसमध्ये २०७ जना मतदानमा सहभागी भएका थिए ।
अखिल क्रान्तिकारीको गण्डकी प्रदेशका मनाङवाहेक सबै जिल्लाको सम्मेलन सम्पन्न भइसकेको अखिल क्रान्तिकारीले जनाएको छ ।
