अनलाइन डबली
काठमार्डौँ । कुर्स्कमा प्रवेश गरेको युक्रेनी फौज रुसी सेनाको घेराबन्दीमा परेको छ । कुस्र्कमा प्रवेश गरेको एक महिना बित्दा समेत सुरुमा कब्जा गरेको भूभाग पनि एकपछि अर्को युक्रेनी फौजले गुमाउँदै आएको छ ।
रुसी सेनाले युक्रेनी फौजलाई अगाडि बढ्न रोक्नुको साथै घेराबन्दीमा गरेर हमला गरिरहेको छ । भारतीय संचारमाध्यमहरुका अनुसार अहिलेसम्म कुस्र्कमा युक्रेनी फौजका कमाण्डरसहित ११ हजारले ज्यान गुमाइसकेका छन् भने हजारौंको संख्यामा घाइते भएका छन् ।
रुसी सेनाले गरेको भिषण हमलापछि युक्रेनी फौजका सदस्यहरुले आत्मसमर्पण गरिरहेका छन् । युद्ध क्षेत्रबाट युक्रेनी फौजका एक जवानले दिएको अन्तरवार्तामा आफ्नो तर्फ ठूलो क्षति भएको बताएका छन् । उनले युक्रेनले थप हतियार नपठाएको र भएका पनि सकिँदै गएको बताएका छन् ।
कुर्स्कमा प्रवेश गर्ने र हतियार गोदाम गरिएको युक्रेनको सुमीमा रुसी सेनाले भिषण हमला गरेको छ । सुमीमा कुस्र्कमा प्रवेश गर्ने तयारीमा रहेका अमेरिकासहितका देशबाट आएका लडाकुको ज्यान गएको छ । सुमीमा रुसले अहिलेसम्मकै ठूलो हमला गरेको छ ।
कुस्र्कमा एकपछि अर्को हार ब्यहोर्दासमेत राष्ट्रपति भोलोदिमिर जेलेन्स्कीले युक्रेनी फौजलाई पछि हट्न आदेश दिएका छैनन् । बरु, अगाडि बढ्न आदेश दिइरहेका छन् ।
तर, युक्रेनी फौजले जेलेन्स्कीको आदेशअनुसार अगाडि बढ्न अस्वीकार गरिदिएको छ । नियन्त्रणमा लिएका स्थानका सुरक्षा युक्रेनी फौजले पहिलो प्राथमिकतामा राखेको छ । अगाडि होइन एकपछि अर्को पछि हटिरहेको युद्धमा रिपोर्टिङ गरिरहेका भारतीय संचारमा राजेश मिश्रले बताएका छन् ।
भारतीय संचारमाध्यमका अनुसार जेलेन्स्कीले कुस्र्कमा भएको क्षतिलाई देखाएर अमेरिकाबाट लामो दूरीका हतियार माग्ने दाउ बनाएका छन् । जेलेन्स्कीले एजिएम–१५८ लङ रेञ्ज मिसाइल मागिरहेका छन् । यसको मार क्षमता ५०० देखि १ हजार किलोमिटरसम्म हुन्छ ।
त्यस्तै, १५०० देखि २५०० किलोमिटर मार हान्न सक्ने टामहाक सबसोनिक क्रुज मिसाइल, ४६० किलोमिटरसम्म मार हान्न सक्ने एसएम–६ मिसाइल मागिरहेका छन् । यी हतियार हावाबाट जमिन, जमिनबाट हावा, समुन्द्री युद्धको लागि प्रयोग हुँदै आएका छन् ।
लामो दूरीका हतियार पाउन लोभमा कुर्स्कमा जेलेन्स्कीले ठूलो सैन्य शक्तिको माया मारेका छन् ।
