धनगढी । अनेरास्ववियु (क्रान्तिकारी) अछाम जिल्लाको १५ औं जिल्ला सम्मेलन नयाँ नेतृत्व चयन गर्दै सम्पन्न भएको छ ।

नेकपा (माओवादी केन्द्र) निकट अखिल क्रान्तिकारीको सम्मेलनले पंकज साउदको नेतृत्वमा ३५ सदस्यीय जिल्ला समिति निर्विरोध निर्वाचित गरेको छ ।

नवनिर्वाचित उपाध्यक्षहरु रबिन्द्र साउद, टंक नेपाली, गिता बि.क. रहेका छन् । त्यस्तै, सचिवमा बम रावल निर्वाचित भएका छन् ।

त्यसैगरी सहसचिवमा मनोज भुल, सुरेश देबकोटा, कर्ण नेपाली, सरिता बुढा र कोषाध्यक्षमा लक्ष्मी उपाध्याय निर्वाचित भएका छन् ।

माओवादी केन्द्र सुदूरपश्चिम प्रदेशका उपाध्यक्ष अक्कल रावलले नवनिर्वाचित कार्यसमितिलाई बधाई दिँदै दलालीकरण, माफियाकरण र व्यपारीकरणका विद्यार्थी आन्दोलन कमजोर बन्दै गइरहेको बताए । रावलले कमजोर बन्दै गइरहेको विद्यार्थी आन्दोलनलाई शसक्त बनाउने जिम्मा अखिल क्रान्तिकारीको काँधमा आएको बताए ।