अनलाइन डबली
काठमडौँ । रुसको कुर्स्कमा प्रवेश गरेको हमला गरिरहेका युक्रेनी सेनाले भटाभट आत्मसमर्पण गरिरहेका छन् ।
रुसले जवाफी कारवाहीलाई तेज बनाएसँगै युक्रेनको पक्षबाट लड्न कुस्र्स क्षेत्रमा प्रवेश गरेका सैनिकहरुले रुसी सेनासँग हतियार बुझाउँदै गरेको भिडियो अन्तर्राष्ट्रिय संचारमाध्यमहरुले सार्वजनिक गरेका छन् ।
रुसको खाली सीमा रहेको कुर्स्कमा नेटोको सहयोगमा युक्रेन प्रवेश गरेको छ । अहिलेसम्म करिब ३० किलोमिटर भित्रसम्म पुगेको बताइएको छ ।
अमेरिकाले दिएको लामो दूरीको मिसाइल प्रहार गरेका कुस्र्सका सेमी नदीमा रहेका तीनवटै पुल युक्रेनको पक्षबाट भत्काइएका छन् ।
रुसले कुर्स्क क्षेत्रबाट आफ्ना नागरिकलाई अन्तै सारेपछि हमला तेज बनाएपछि युक्रेन अघि बढ्न नसकेको बताइएको छ ।
युक्रेनको पक्षबाट कुर्स्क क्षेत्रमा प्रवेश गरेका २ हजार सैनिक आफ्नो कारवाही परी मृत्यु भएको रुसले जनाएको छ ।
कुर्स्क क्षेत्रमा अमेरिकाको निजी सैनिक एफओजीले युद्ध लडिरहेको पनि पुष्टि भएको छ । एफओजीलाई नेटोले तलब दिएर कुर्स्स क्षेत्रमा युद्ध लड्न पठाएको रुसले दाबी गरेको छ ।
यसैबीच युक्रेनको तर्फबाट रुसको राजधानी मस्को आसपासमा प्रहार गरिएका प्रहार गरिएका ड्रोन नष्ट गरिएको रुसी रक्षा मन्त्रालयले जनाएको छ । फरकफरक स्थानमा प्रहार गरिएका शक्तिशाली कामिकाजी ड्रोन आकाशमै नष्ट पारिएको रुसले जनाएको छ ।
