अनलाइन डबली
काठमाडौं । चलचित्र काँडेतार पुनः प्रदर्शनमा आउने भएको छ । शनिबार काठमाडौंमा एक समारोहबीच निर्माण पक्षले चलचित्र पुनः हलमा ल्याउन लागेको जनाएको हो ।
अभिनेता नवल खड्काकै निर्देशन एवं शिवम अधिकारी र खड्काको लेखन रहेको काँडेतार सामना फिल्म्स् प्रालिको ब्यानरमा निर्माण गरिएको हो ।
काँडेतारमा खड्का, गौरव पहारी, रेविका गुरूङ, सुरविना कार्की, मुरलीधर, प्रेम सुब्बा, परशुराम चौधरी, संजय खतिवडा, राजेन्द्र भगत, पन्नालाल सिकदार, प्रकाश गिरी र बाल कलाकारमा नादिया र सनया खड्कालगायतको अभिनय छ ।
यसैबिच नेकपा एमालेका नेता भीम रावलले फिल्म राष्ट्रवादी धारमा निर्माण भएको बताएका छन् । उनले चलचित्रले कतिपय कुराहरुलाई साङ्केतिक रुपमा सफलता पूर्वक प्रस्तुत गरेको बताएका हुन् ।
उनले भने, यो देशभक्तीपूर्ण चलचित्र निमार्णको लागी नवल खड्का र सम्पूर्ण टिमलाई बधाई दिन्छु । नेपाल कहिले कसैको अधिनमा रहेन् । स्वतन्त्र नेपाल अन्तर्राष्ट्रिय कानून बमोजिम सिमानालाई नियमन गर्नुपर्ने हो त्यो गर्न सकिएको छैन । चलचित्रले कतिपय कुराहरुलाई साङ्केतिक, प्रतिकारका रुपमा सफलतापूर्वक प्रस्तुत गरेको छ । सिमानामा काँडेतारको अर्थ देशको सार्वभौमसत्ता र क्षेत्रिय अखण्डता नमिचियोस् भन्ने हो ।’
उनले देशभक्ती नेपालीहरुले आफ्नो सार्वभौमसत्ताको लागि आवाज उठाउन तत्पर हुनुपर्ने छ भन्ने सन्देश चलचित्रले दिएको उनले बताए ।
