अनलाइन डबली
काठमाडौं । प्रमुख प्रतिपक्षी नेकपा (माओवादी केन्द्र) का सांसद माधवप्रसा सापकोटाले सार्वजनिक लेखा समितिका सभापति ऋषिकेश पोखरेलले विद्युतको बील नतिर्ने व्यपारीसँग रहस्यमय भेट भएको बताएका छन् ।
मंगलबार प्रतिनिधि सभा बैठकमा बोल्दै सापकोटाले डेडिकेटेड र ट्रंकलाइन सुविधा लिएका र बक्यौता नतिरेका व्यापारीसँग पोखरेलले भेटेको दाबी गरे ।
डेडिकेटेड फिडर र ट्रंकलाइनको बिषयमा सार्वजनिक लेखा समितिमा बहस भइरहेको बेला सभापति पोखरेलले पदीय दुरुपयोग गरेर भेट गरेको भन्दै सापकोटाले छानविनको माग समेत गरे ।
सापकोटाले भने, ‘डेडिकेटेड फिडर र ट्रंकलाइनको विषयमा सार्वजनिक लेखा समितिमा बहस कायमै छ । तर, उक्त समितिका सभापति र झगडियाहरुमध्ये बक्यौता समेत कायम रहेका एक जना व्यापारिका बीचमा रहस्यमय भेट भएको सूचना आएको छ । पदीय दुरुपयोगको यस घटनाको गम्भीरतापूर्वक छानबिनका लागि जोडदार माग गर्दछु ।’
