अनलाइन डबली
काठमाडौं । नेपाल टेलिकमकी प्रबन्ध निर्देशक संगिता पहाडीलाई कार्यालयमा आवतजावत गर्न प्रतिबन्ध लगाइएको छ ।
टेलिकममै कार्यरत कर्मचारीहरुले संस्थाभित्र मौलाएका बेथितिको मुख्य संरक्षक नै पहाडी बनेको भन्दै कर्मचारीले आवातजावतमा अवरोध पुर्याएका हुन् ।
नेपाल टेलिक वर्कर्श युनियनका उपाध्यक्ष रोशन बजगाईका अनुसार संस्थामा कार्यरत युनियनहरुको संयुक्त रुपमा बैशाख १४ गतेबाट पहाडीको कार्यकक्ष बाहिर धर्ना दिँदै आएका छन् । उनले आफूले पहिलो चरणको कार्यक्रम जारी राखेको बताउँदै पहाडीले सुधारको सुरुवात नगरे दोस्रो चरणको कार्यक्रम सार्वजनिक गर्न बाध्य हुने बताए ।
आफूहरुले राखेका विषयमा कुनै सुनुवाई नै नगरेकाले आन्दोलनको स्तरवृद्धि गर्दै पहाडीको राजीनामासम्मको संघर्ष चर्काने संगठनका नेताहरुले बताएका छन् ।
नेपाल टेलिकममा क्रियाशील नेपाल टेलिकम वर्कर्श यूनियन, राष्ट्रिय कर्मचारी संगठन (नेपाल टेलिकम), नेपाल दूर सञ्चार राष्ट्रिय कर्मचारी संगठन लगायतले पहाडीविरुद्ध आन्दोलनका कार्यक्रम घोषणा गरेका छन् ।
