काठमाडौँ । उपचुनाव अन्तरगत बझाङ प्रदेशसभा (क)को पछिल्लो मत परिणामअनुसार नेकपा एमाले र नेकपा माओवादी केन्द्रका उम्मेदवारबीच प्रतिस्पर्धा भइरहेको छ ।
सुरुमा दोस्रो रहेका काँग्रेस उम्मेदवार अभिषेक बहादुर सिंह तेस्रोमा झरेका छन् ।
सुरुवाती अग्रता लिएका नेकपा एमालेका उम्मेदवार दमनबहादुर भण्डारीले १५ सय मत कटाएका छन् । उनले १५९२ मत पाउँदा दोस्रोमा रहेका माओवादी केन्द्रका उम्मेदवार जनकबहादुर बुढाले ९९९ मत ल्याएका छन् भने काँग्रेसका सिंहले ९५५ मतका साथ तेस्रोमा झरेका छन् ।
त्यसैगरी समाजवादीका दिलबहादुर सिंहले ५७२ मत पाएका छन् ।