काठमाडौँ । क्रान्तिकारी कम्युनिस्ट पार्टीले काठमाडौँको साल्खामा प्लाटिङ गरिएको विवादित जग्गा कब्जा गरेको छ । शुक्रबार काठमाडौँको शंखरापुर नगरपालिका– ८ स्थित साल्खामा रहेको उक्त जग्गामा झण्डा गाडेर कब्जा गरेको घोषणा गरेको हो ।

उक्त जग्गा सोही नगरपालिका–६ स्थायी घर भएका भू माफिया नवराज कुँवर, बहिनी कल्पना कुँवर र वडा नं. ९ इन्द्रायणीकी रोजिना थापाले उक्त जग्गा षड्यन्त्रपूर्ण ढंगबाट अवैध कारोबार गरी अन्य व्यक्तिलाई फसाएको क्रान्तिकारी कम्युनिस्ट पार्टीले बताएको छ ।

उक्त जग्गामा छरिएको पर्चामा पाँच बर्षअघि प्लटिङमा इश्वर खतिवडा भट्टराई, सावित्री ढुंगेल र सिताराम प्रसाद पराजुलीलाई हकबाट बञ्चित गरेको उल्लेख छ । साथै, उक्त जग्गा नवराजले आफ्नी श्रीमतिको नाममा नामसारी गरी विभिन्न सहकारी र फाइनान्स कम्पनीहरुमा धितो कारोबार गर्दै आएको पर्चामा उल्लेख छ ।

जग्गामा छरिएको पर्चमा भनिएको छ, “शंखरापुर नगरपालिका–६ स्थायी घर भएका नवराज कुँवर, बहिनी कल्पना कुँवर र सोही नगरपालिका ९ इन्द्रायणीकी रोजिना थापासहितको मिलेमतोमा जग्गा अवैध कारोबार गर्ने षड्यन्त्रपूर्वक गतिविधि गरी विभिन्न व्यक्तिलाई फसाउँदै हिड्ने कार्य गरेको जनगुनासो आएको छ । पछिल्लो चरणमा सोही नगरपालिका ८ स्थित साल्खामा पाँच बर्षअघि जग्गा प्लटिङ गरेको उक्त प्लटिङको लागि साँझेदारीमा लगानी लगाउने इश्वरी खतिवडा, सावित्री ढुंगेल र सिताराम प्रसाद पराजुलीलाई हक हिस्साबाछ बञ्चित गराई आजसम्म तड्पाई रहेको जानकारी प्राप्त भएको छ, सो जग्गा आफ्नै श्रीमति र छोरीको नाममा नामसारी गरी विभिन्न फाइनान्स र सहकारीहरुमा धितो कारोबार गरी पैसा लिएको पाइयो । निजहरुबाट धेरै व्यक्तिलाई उठिबास बनाई एक व्यक्तिबाट जग्गाको बैना असुल गर्ने अर्कोलाई पास गर्ने किर्ते कार्य गर्ने र गाउँटोल, मिछेकीलाई आक्रान्त बनाउने र ठगिधन्दा गर्ने गरेको र सरकारी प्रति जग्गा समेत नाममा गर्ने जस्ता कार्यप्रति पार्टीको गम्भीर ध्यानाकर्षण भएको छ ।”

उक्त जग्गा किनबेच नगर्न पनि चेतावनी दिनुको साथै यस्ता गलत कार्य नरोके जनकारवाही गर्ने समेत बताइएको छ ।

यस्तो छ पर्चाः 

यी हुन् जग्गा दलालः