अनलाइन डबली
काठमाडौं । उच्च अदालत पाटनले पूर्वगृहमन्त्री बालकृष्ण खाँणलाई धरौटीमा रिहा गर्न आदेश दिएको छ । उच्च अदालतले नक्कली शरणार्थी प्रकरणमा मुछिएका खाँणलाई थुनामा पठाउने जिल्ला अदालत काठमाडौंले दिएको आदेश बदर गर्दै धरौटीमा छाड्न आदेश गरेको हो ।
यसअघि भएको सुनुवाईमा न्यायाधीशको मत राय बाझिएपछि खाणको सुनुवाई न्यायाधीश कृष्णराम कोइरालाको इजलासले गरेको थियो ।
विहीबार भएको सुनुवाईपछि कोइरालाले यसअघि नै जनक पाण्डेले व्यक्त गरेको रायलाई समर्थन गरेका थिए । योसँगै खाण ३० लाख रुपैयाँ धरौटी बुझाएर रिहा हुने भएका छन् ।
दुवै न्यायाधीशहरुविचको राय बाझिएपछि तेस्रो न्यायाधीशको रायका लागि खाँणले दिएको निवेदन बिहीबार तेस्रो न्यायाधीश कोइरालाको इजलासमा पेश भएको थियो ।
उच्च अदालत पाटनले गत १५ मंसिरमा अदालतमा हाजिर भएका २० मध्ये आधाजसो आरोपितहरुलाई धरौटीमा छाड्न वा थुनामुक्त गर्न आदेश दिएको थियो । २० मध्ये बालकृष्ण खाणको हकमा मात्रै दुई न्यायाधीशबीच राय बाझिएको थियो ।
