काठमाडौं । चार दिने युद्धविराममा पनि इजरायलले मानव बस्तीमा हमला जारी राखेको प्यालेस्टाइनले दाबी गरेको छ ।

प्यालेस्टाइनको स्वास्थ्य मन्त्रालयले इजरायली सेनाले कब्जा गरेको वेस्ट बैंकमा शनिबार ६ प्यालेस्टाइनीको हत्या गरेको जानकारी दिएको छ ।

प्यालेस्टिनको जेनिन नजिकै रहेको काबातियामा २५ वर्षीय डाक्टरको घरबाहिर हत्या गरिएको दाबी गरेको हो ।

यसैगरी रामल्लाह नजिकै अल–बिरेहमा अर्का प्यालेस्टिनीको मृत्यु भएको छ । जेनिनमा चार व्यक्तिको मृत्यु भएको थियो । इजरायली सेनाले सहरमा प्रवेश गर्ने ठूलो संख्यामा सशस्त्र सवारी साधनहरूमा लक्षित गरेर गोली प्रहार गरेको जनाइएको छ ।

इजरायली अधिकारीहरूका अनुसार, हमासले गत महिना अक्टोबर ७ मा इजरायलमा सीमापार हमला गरेपछि वेस्ट बैंकमा हिंसा बढेको थियो ।