काठमाडौँ । व्यवसायी दुर्गा प्रसाईको कार्यक्रम आज काठमाडौंको सिफल चौरमा हुँदैछ । काठमाडौं प्रशासनले तीनकुनेमा कार्यक्रम गर्दा ट्राफिक समस्या हुने भएको बताउँदै सिफल चौरमा कार्यक्रम गर्न सुझाव दिएको थियो ।

दुर्गा समूह र काठमाडौं जिल्ला सुरक्षा निकायसँग शुक्रबार साँझ भएको छलफलमा सिफलमा कार्यक्रम गर्ने सहमति भएको थियो ।

तीनकुनेमा कार्यक्रम गर्दा अन्तर्राष्ट्रिय विमानस्थलमा समेत प्रभाव पर्ने भएका कारण प्रशासनले त्यहाँ कार्यक्रममा रोक लगाएको थियो ।

शुक्रबार पनि तीनकुनेमै कार्यक्रम गर्ने अडान लिएका प्रसाईंका समर्थकलाई प्रहरीले नियन्त्रणमा लिएको थियो । उनलाई भने निवासमै सुरक्षा दिएर राखिएको थियो ।