![](https://onlinedabali.com/wp-content/uploads/2023/10/narayan-kaji-chaina.jpg)
काठमाडौं । उपप्रधान तथा गृहमन्त्री नारायणकाजी श्रेष्ठको स्वास्थ्यमा उल्लेख्य सुधार आएको छ । बीआरआई शिखर सम्मेलनमा भाग लिन चीनको बेइजिङ पुगेका श्रेष्ठलाई बुधबार राति हृदयघात भएपछि अस्पताल भर्ना गरेर उपचार थालिएको थियो ।
बेइजिङस्थित पेकिङ्ग युनियन मेडिकल कलेज अस्पताल उपचाररत श्रेष्ठको स्वास्थ्यमा सुधार हुँदै गएपछि जनरल वार्डमा सारिएको छ ।
श्रेष्ठको मुटुको बायाँ धमनीमा महत्त्वपूर्ण ‘स्टेनोसिसु देखिएको र त्यसलाई कम गर्न तुरुन्तै ‘स्टेन्ट’ राखिएकोसमेत अस्पतालले जनाएको छ ।
श्रेष्ठको स्वास्थ्य सुधारको खबरसँगै उनका समर्थक तथा माओवादी नेता कार्यकर्ताले खुशी व्यक्त गरेका छन् ।
श्रेष्ठ उपचारमा संलग्न स्वास्थ्यकर्मीसँग समान्य बोलचालन गर्न सक्ने अवस्थामा रहेको बताइएको छ ।