![](https://onlinedabali.com/wp-content/uploads/2023/09/uml-bagmati-1.jpg)
काठमाडौँ । सहमतिमा लागि गरिएका सबै प्रयासहरु असफल भएपछि नेकपा (एमाले)को बागमती प्रदेशको नेतृत्व चयनका लागि चुनाव हुने पक्का भएको छ । अध्यक्षका आकांक्षी नेताहरु पछि नहटेपछि चुनावी प्रक्रियाद्वारा नेतृत्व चयनको प्रक्रिया सुरु भएको हो ।
अधिवेशन अन्तर्गत आजका लागि निर्वाचन कार्यतालिका सार्वजनिक भएको तालिका अनुसार निर्वाचन समितिले आज देखि निर्वाचन कार्यक्रम सुरु गर्नेछ ।
तालिकाअनुसार बिहान ९ बजे अन्तिम मतदाता नामावली प्रकाशन हुनेछ भने ९ देखि ११ बजेसम्म उम्मेदवारी मनोनयन गरिनेछ । अपराह्न ४ बजे उम्मेदवारी फिर्ता लिने समय छुट्याएको निर्वाचन समितिले अपराह्न ५ बजे मात्रै उम्मेदवारको अन्तिम नामावली प्रकाशन गर्ने छ ।
विद्युतीय मतदानबाट नेतृत्व चयन गर्न लागेको बाग्मती एमालेले भोलि बिहान ११ बजेबाट पार्टी कार्यालय च्यासलमा मतदान हुने छ । अधिवेशनमा ११ सय ७४ मतदाता रहेका छन् ।