अनलाइन डबली
काठमाडौँ । प्रधानमन्त्री प्रचण्डको चीनमा भव्य स्वागत गरिएको छ । औपचारिक भ्रमणको क्रममा प्रधानमन्त्री प्रचण्डलाई छिमेकी मित्रराष्ट्र चीनले विशेष महत्व दिँदै स्वागत गरेको छ । आज चीनका प्रधानमन्त्री लि छयाङले ग्रेट हल अफ दि पिपलमा स्वागत गरेका छन् ।
सो क्रममा जनमुक्ति सेनाको एक टुकुडीले प्रधानमन्त्री प्रचण्डलाई ग्रेट हल अफ दि पिपलमा ‘गार्ड अफ अनर’ प्रदान गरेको छ ।
प्रधानमन्त्री प्रचण्ड र चिनियाँ समकक्षी ली छ्याङबीच भेटवार्ता भएको छ ।
भेटवार्ताको क्रममा नेपाल–चीन सम्बन्धका विविध पक्ष एवं द्विपक्षीय हित र चासोका विषयमा विचार विमर्श भएको बताइएको छ । चिनियाँ प्रधानमन्त्री लि छ्याङले चीन–नेपालबीचको सम्बन्धमा नयाँ ऊर्जा थपिएको चीनले महसुस गरेको बताएका छन् । उनले
भ्रमण द्विपक्षीय सम्बन्धको विस्तार र सुदृढीकरण गर्न थप सहयोग बनेको बताए ।
चिनियाँ राष्ट्रपति सि चिनफिङसँगको भेटमा भएका कुराकानीबाट दुई देशको सम्बन्धका विविध आयाममा छलफल हुनु सुखद् रहेको प्रधानमन्त्री छ्याङले बताए ।
