काठमाडौं । प्रधानमन्त्री प्रचण्डले सरकारले गरेको कामबाट विपक्षदलहरु विक्षिप्त भएको बताएका छन् । सरकारले एकपछि अर्को राम्रा काम गरेकै कारण सरकार र गठबन्धनविरुद्ध भ्रम फैलाउन थालिएको बताए ।

आइतबार नेकपा (माओवादी केन्द्र) नेपाल बुद्धिजीवी संगठनको तेस्रो पूर्ण बैठकलाई सम्बोधन गर्दै प्रचण्डले भने, “पछिल्लो समय सरकारले गरेको कामबाट एकथरी व्यक्तिहरू विछिप्त भएरका छन् । उनीहरूले माओवादी पार्टी, सरकार र गठबन्धनविरुद्ध भ्रम छर्दै हिडेका छन् ।”

सरकारले गरेका राम्रा कामबाट अत्तालिएकाहरूले पार्टी, सरकार र गठबन्धनविरुद्ध छरेका भ्रम चिर्न बुद्धिजीबीहरु लाग्नुपर्नेमा जोड दिँदै प्रचण्डले भने, “पार्टी र सरकारविरुद्ध छरेका भ्रम चिर्न बुद्धिजीवी संगठनले महत्वपूर्ण रोल खेल्नुपर्छ ।”