अनलाइन डबली
भोजपुर । रामप्रसादराई गाउँपालिकाले विद्यार्थीलाई प्राविधिक विषय पढ्न छात्रवृत्ति दिने भएको छ । पालिकाको वडा नम्बर ५ मानेभञ्ज्याङमा रहेको श्रीराम मिथिला बहुप्राविधिक शिक्षालयमा ३ बर्षे डिप्लोमा इन एग्रिकल्चर (बाली विज्ञान) मा अध्ययनको लागि छात्रवृत्ति दिने भएको हो ।
प्रत्येक वडाबाट दुईदुई जना गरी १६ विद्यार्थीलाई छात्रवृत्ति प्रदान गर्ने कार्यापालिका र शिक्षा समितिले निर्णय गरेको छ । पालिकाले छात्रवृत्तिको लागि आवेदन दिन सूचना प्रकाशित गरेको छ ।
छात्रवृत्ति पाउन एसईईमा कम्तिमा १.६ जिपिए ल्याएको हुनुपर्नेछ । गाउँपालिका भित्रका विद्यार्थीहरुले छात्रवृत्ति पाउने भन्दै सदुपयोग गर्न अपील गरिएको छ । प्राविधिक जनशक्ति तयार गर्ने उद्देश्यले छात्रवृत्ति दिन लागिएको पालिकाले जनाएको छ ।
छात्रवृत्तिको लागि परेका आवेदनबाट जेहेन्दार र गरिबलाई प्राथमिकरण गरी गरिनेछ ।
सूचनाः
