अनलाइन डबली
काठमाडौं । लोकप्रिय गायक तथा संगीतकार शिव परियारको एकल स्वर तथा संगीतमा तयार भएको गीति एल्बम ‘तिमी र म’ गीति एल्बम विचोचन गरिएको छ ।
शनिबार काठमाडौंमा एक कार्यक्रम आयोजना गरिएको उक्त गीति एल्बममा कवि तथा गीतकार सागर फुयालको एकल शब्द रहेको छ ।
नेपाल स्रस्टा समाजका अध्यक्ष ओम श्रेष्ठ “रोदन”, रचना द्विमासिकका सम्पादक प्रतिक घिमिरेसंगै उक्त सांगीतिक संग्रह बिमोचनको कार्यक्रम शब्दाङ्कुर मासिकका प्रधानसम्पादक धिरकुमार श्रेष्ठ, उक्त गीतका गायक, सङ्गीतकार शिव परियार, गीतकार सागर फुयाल, अभिनेत्री मिरुना मगर, अभिनेता अनुप बिक्रम शाहीले संयुक्त रूपमा गीति एल्बम विमोचन गरेका थिए ।
एल्बममा ६ ओटा गीतहरु समावेश भएको छ । समावेश गीतको बोलहरु “तिमी हौ सबथोक मेरो”, तिमी र म अनि शीतल धुन,मेरो ज्यान भन्छ्यौ भने,हाम्रो माया एक नदीको दुई किनार,जिउन मन छैन अधर तिम्रो नहेरी र तिमी फूल हौ सुगन्ध छर्नु पर्छ तिमीले”ले जस्ता गीतहरु समावेश छ ।
बिमोचन कार्यक्रममा उक्त सांगीतिक संग्रहमा समावेश गरिएको “तिमी हौ सबथोक मेरो”बोलको गीतको भिडियो सार्वजनिक गरिएको थियो |यस भिडियोमा अभिनेता अनुप बिक्रम शाही र अभिनेत्री मिरुना मगरको अभिनय रहेको छ ।
भिडियोलाई अहिलेका चर्चित म्युजिक भिडियो निर्देशक निकेश खड्काले निर्देशन गरेका हुन् भने अहिलेका बेस्त छायाँकार हरि हुमागाईंले छायाँकन गरेका छन् ।
