अनलाइन डबली
काठमाडौँ । नेपाल स्वास्थ्य सेवा सहकारी संस्था लिमेटेड भ्रष्टाचारको अखडा बनेको छ । संस्थाले आफू खुशी मनमोहन मेमरियल अस्पताललगायतका संरचना बिक्री गर्न लागेको भन्दै शेयर सदस्यहरु विरोधमा उत्रिएका छन् ।
संस्थाले सहकारी ऐन विपरित संचालक समतिका सदस्य र उपसहितका सदस्यहरुले साधारणसभाबाट निर्णय नगरी सेवा सुविधा लिएर संस्थालाई डुबाएको सदस्यहरुले आरोप लगाएका छन् । त्यस्तै, संस्थाको चल अचल सम्पती आफू खुशी बिक्री गर्न लालेको, आफ्ना नातागोताको भर्ती केन्द्र बनाएको, संचालक समिति सदस्य, लेखा सुपरिवेक्षण समिति सदस्य र कर्मचारहरुले अस्वाभाविक रुपमा पेश्की रकम लिएको, मनमोहन अस्पताललाई संस्थाको उद्देश्य र नियम विपरित साधारणसभाबाट अनुमति नलिई भाडामा दिएको, एउटै व्यक्ति बर्षौसम्म संचालक समितिमा रहेर संस्थाको हितविपरित कार्य गरेको, १७ बर्षदेखि शेयर सदस्यलाई नाफा वितरण नगरेकोलगायतका विषय उठाएर शेयर सदस्यहरु सडकमा निस्किएका छन् ।
संचालक समितकाे गैरजिम्मेवारीका कारण संस्थाले चलाएका मनमाेहन कलेज, अस्पताल, मनमाेहन मेडिकल कलेजलगायत डुब्ने अवस्थामा पुगेका छन् । करिब २ हजार ६ सय शेयर सदस्यको बचत पनि जोखिम अवस्थामा परेको छ ।
आज लैनचोरस्थित चैनचौर बैङक्युटमा विरोध प्रदर्शनको कार्यक्रम राखिएको छ । सोही ठाउँमा संस्थाले साधारणसभा राखेको छ ।
यी हुन् बेथितिहरुः
