अनलाइन डबली
काठमाडौं । ललिता निवास जग्गा हिनामिना प्रकरणमा ५ जना विरुद्द पक्राउ पुर्जी जारी भएको छ ।
पक्राउ पुर्जी जारि भएकाहरुमा तत्कालीन सचिवहरू युवराज भुसाल, दीप बस्न्यात, छविराज पन्त, दिनेश अधिकारी र नारायणगोपाल मलेगोविरुद्ध अदालतबाट पक्राउ पूर्जी जारी गरिएको हो ।
ललिता निवासको सरकारी जग्गामा नक्कली मोही खडा गरि व्यक्तिका नाममा नामसारी गर्ने निर्णयमा उनीहरुको संलग्नता देखिएकाले सीआइबिले अनुसन्धान अघि बढाएन पक्राउ पुर्जी जारि गरिएको हो ।
सो प्रकरणमा तत्कालिन १७ जना पूर्वसहसचिवविरुद्ध पनि पक्राउ पूर्जी जारी भएको छ । पक्राउ पूर्जी जारी भएका तत्कालिन सहसचिव मध्ये सुधीर शाह हिरासतमा छन् भने कलाधर देउजा सर्वोच्चको आदेशबाट छुटेका छन् ।
पूर्व सचिव र सहसचिवहरुलाई प्रधानमन्त्री कार्यालय, गृहमन्त्रालय, भौतिक पूर्वाधार, भूमिसुधार मन्त्रालयलगायतका मन्त्रालयमा रहँदा सरकारी जग्गा ब्यक्तिको नाममा लैजान सहयोग गरेको आरोपमा अनुसन्धान हुने प्रहरीले जनाएको छ ।
यस अघि प्रहरी हिरासतमा रहेकाहरुको बयानका आधारमा प्रहरीले थप ब्यक्तिहरुविरुद्ध पक्राउ पूर्जी जारि हुने प्रहरी स्रोतको भनाइ छ ।
