अनलाइन डबली
काठमाडौँ । आज सरकारले पेश गरेको बजेट पारित गरिँदैछ । त्यसको लागि विहान ११ बजे प्रतिनिधिसभा बैठक बस्दैछ । अर्थ मन्त्री डा. प्रकाश शरण महतले “विनियोजन विधेयक, २०८० लाई पारित गरियोस्” भनी प्रस्ताव प्रस्तुत गर्नेछन् ।
साथै उनले “आर्थिक विधेयक, २०८० माथि विचार गरियोस्” भन्ने प्रस्ताव, “आर्थिक विधेयक, २०८०” माथि दफावार छलफलको लागि दिन तोकिने र “राष्ट्र ऋण उठाउने विधेयक, २०८० माथि विचार गरियोस्” भनी प्रस्ताव प्रस्तुत गर्ने कार्यसूची रहेको छ ।
बजेटमा केही असहमति भएपनि बजेट पास गर्ने कुरामा सत्तारुढ दलहरु एकमत भएका छन् । सबैले आआफ्ना सांसदहरुलाई ह्विप जारी गरिसकेका छन् ।
त्यसअघि प्रधानमन्त्री प्रचण्डले विनियोजन विधेयक, २०८० अन्तर्गत प्रधानमन्त्री तथा मन्त्रिपरिषद्को कार्यालय, राष्ट्रिय योजना आयोगको सचिवालय, राष्ट्रपतिको कार्यालय एवं उपराष्ट्रपतिको कार्यालयको विभिन्न शीर्षकहरूमाथिको छलफलको क्रममा उठेका प्रश्नहरूको जवाफ दिने कार्यसूची रहेको छ ।
