काठमाडौं । सरकारले एकै पटक पेट्राेलियम पदार्थकाे भाउ १० रुपैयाँले घटाएकाे छ । नेपाल आयल निगमले मंगलबार राति १२ बजेबाट लागू हुने गरी पेट्राेलियम पदार्थकाे भाउ घटाएकाे छ ।

भारतीय आयल निगमले घटाएर नयाँ मूल्य पठाएसँगै नेपाल आयल निगमले पनि डिजल र मट्टीतेलमा प्रतिलिटर १० रुपैयाँका दरले घटाएकाे हो । अब डिजल र मट्टीतेलकाे भाउ प्रतिलिटर एक सय ५५ रुपैयाँ कायम भएकाे छ । यसअघि डिजल र मट्टीतेल प्रतिलिटर एक सय ६५ रूपैयाँ बिक्री हुँदै आएकाे छ ।

निगमले पेट्रोल, हवाई इन्धन र खाना पकाउने एलपी ग्यासको मूल्य भने यथावत् राखेको छ । अहिले पेट्राेलकाे भाउ प्रतिलिटर एक सय ७५, हवाई इन्धन आन्तरिकतर्फ प्रतिलिटर एक सय ६० र ग्यास प्रतिसिलिन्डर १८ सय रुपैयाँ छ ।