अनलाइन डबली
काठमाडौँ । पूर्वगृहमन्त्री रामबहादुर थापा ‘बादल’का छोरा प्रतिकलाई प्रहरी खोजी गरिहरको छ । प्रहरी स्रोतका अनुसार थापाको लोकेशन ट्रयक र सम्भावित स्थानमा प्रहरी परिचालन गरिएको छ ।
नक्कली भुटानी शरणार्थी प्रकरणमा संलग्न भएको प्रमाणको आधारमा प्रहरीले जिल्ला अदालत काठमाडौँसँग प्रतिकविरुद्ध पक्राउ अनुमति मागेको थियो ।
नेकपा एमाले उपाध्यक्ष समेत रहेका बादलका छोरा प्रतिक प्रहरीले फरार सूचीमा राखेर खोजी गरिहरेको छ ।
प्रहरीले आइतबार साँझ एमाले सचिव टोपबहादुर रायमाझीलाई काठमाडा्रैं पक्राउ गरेको छ । योसँगै प्रहरीले नक्कली भुटानी शरणार्थी प्रकरणमा संलग्न आरोपमा १३ जना पक्राउ गरिसकेको छ ।
यसअघि प्रहरीले पूर्व गृहमन्त्री बालकृष्ण खाँण, तत्कालीन गृहसचिव टेकनारायण पाण्डे र बादलका सुरक्षा सल्लाहकार डा. इन्द्रजित राईसहित १२ जना थुनामा छन् ।
शरणार्थीको नाममा आरोपीहरूले अहिलेसम्म ४० करोड ठगेको प्रहरीको अनुसन्धानबाट थाहा भएको छ ।
