अनलाइन डबली
महेन्द्रनगर । दार्चुलामा भएको हिमपहिरोमा परेका पाँच जनाको पहिचान खुलेको छ । व्याँस गाउँपालिका १ को भोलुम डाँडामा मंगलबार गएको हिमपहिरोमा परेका उनीहरुका पहिचान खुलेपनि अवस्था अज्ञात रहेकोे प्रहरीले बताएको छ ।
प्रहरीका अनुसार हिमपहिरोमा परी बेपत्ता हुनेमा डोटीको जोरायल गाउँपालिका २ बुडरकी ४५ वर्षीया नक्की डोमा थापा, २८ वर्षीया ईश्वरी थापा, १५ वर्षीया छिमी सामो थापा रहेका छन् । त्यस्तै, दार्चुलाको दुँहु गाउँपालिका ४ की ३८ वर्षीया कमला कुँवर र १८ वर्षीय प्रवीण कुँवर पनि हिमपहिरोमा परी वेपत्ता छन् ।
खोजी कार्यका लागि बुधबार बिहानै नेपाल प्रहरी र सशस्त्र प्रहरीको टोली घटनास्थलतर्फ गएको थियो ।
प्रहरीका अनुसार १२ जना भागेर बाच्न सफल भएका छन् । यार्सागुम्बा टिप्न गएका १२ जना टेन्टमा बसिरहेका बेला हिमपहिरोमा आएको थियो ।
