अनलाइन डबली
काठमाडौं । रुसी राष्ट्रपति भ्लादिमिर पुटिनलाई पक्राउ पुर्जी जारी गरिएको छ । अन्तर्राष्ट्रिय फौजदारी अदालत (आईसीसी) ले पुटिनविरुद्ध पक्राउ पुर्जी जारी गरेको हो ।
अदालतले पुटिनमाथि युक्रेनबाट बालबालिकालाई गैरकानुनी रूपमा रुसमा पुर्याइएकोसहित यु द्ध अपराधका लागि जिम्मेवार रहेको आरोप लगाएको छ ।
आईसीसीले युक्रेनमा सन् २०२२ को २४ फेब्रुअरीदेखि हमला गरेपछि युक्रेनका बालबालिका रुस जान बाध्य बनाएको आरोप लगाएको छ । तर, रुसले यो आरोपको पटक पटक खण्डन गर्दै आएको छ । उसले आफूले युद्धमा प्रत्यक्ष संलग्न भएका बाहेक अरुको अधिकार हनन् नगरेको बताउँदै आएको छ ।
पश्चिमा देशहरुले पुटिनलाई अन्तर्राष्ट्रिय रुपमा बदनाम गर्ने उद्देश्यले पुटिनलाई पक्राउ पुर्जी जारी गरेको रुसले बताएको छ । रुसी विदेश मन्त्रालयले आईसीसीको यो पुर्जीको कुनै अर्थ नभएको बताएको छ ।
अरुले आईसीसी सम्बन्धी सम्झौतामा हस्ताक्षर नगरेकाले पक्राउ पुर्जीको खासै अर्थ नरहेको बताइएको छ । तर, यो पक्राउ पुर्जीका कारण रुस अझ आक्रमक बन्ने भने निश्चित रहेको अन्तर्राष्ट्रिय मामिलाका जानकारहरु बताउँछन् ।
